Presidenti i Këshillit Evropian, António Costa, do të nisë javën e ardhshme një turne në Ballkanin Perëndimor, duke filluar nga Sarajeva dhe duke përfunduar në Mal të Zi. Në Kosovë, më 3 qershor, ai do të takohet me presidenten në detyrë Albulena Haxhiu, kryeministrin në detyrë Albin Kurti dhe liderët opozitarë, për të diskutuar çështje kyçe politike dhe bashkëpunimin rajonal. Kjo vizitë vjen në prag të samitit të BE-së me Ballkanin Perëndimor, që mbahet më 5 qershor në Tivat, ku pritet të theksohet rëndësia e përparimit në procesin e zgjerimit dhe zgjidhjes së konflikteve ndërfqinjësore. Liderët e BE-së do të kërkojnë nga vendet e rajonit të përmirësojnë sundimin e ligjit dhe të shfrytëzojnë momentumin pozitiv për integrimin evropian.