Në fund të majit ose në mes të qershorit, një ekip i UNESCO-s pritet të inspektojë rajonin e Ohrit, duke përfshirë edhe trasenë ku ishte planifikuar ndërtimi i autostradës Trebenisht-Qafë Thanë. Aktualisht, Struga nuk është pjesë e projektit të ri të autostradës, i cili parashikon një sistem të mbyllur me hyrje në Trebenisht dhe dalje para Qafë Thanës. Ministri i Transportit, Aleksandar Nikolloski, theksoi se ndërtimi i nyjës rrugore në Trebenisht dëshmon përkushtimin e qeverisë ndaj projektit, megjithatë vendimi përfundimtar mbetet jashtë duarve të tyre dhe do të merret pas konsultimeve me UNESCO-n.