Partia VLEN ka reaguar ndaj kërkesave për zgjedhje të parakohshme, duke theksuar se është forca e dytë politike në vend dhe se po finalizon bashkimin në një subjekt të vetëm politik. Ata nënvizojnë se qeveria aktuale ka një shumicë stabile dhe të konsiderueshme, me tendencë zgjerimi, duke u mbështetur edhe në rezultatet e zgjedhjeve lokale ku VLEN fitoi 10 komuna dhe rreth 80% të komunave me shumicë shqiptare. Sipas VLEN, besimi i qytetarëve është një dëshmi e qartë e pozitës së tyre të fortë në skenën politike. Për më tepër, partia thekson se fokusi kryesor duhet të jetë përmirësimi i standardit jetësor dhe forcimi i funksioneve shërbyese të pushtetit ekzekutiv.