Kryetari i Komunës së Tetovës, Bilall Kasami, njoftoi se në takimin me kryeministrin e Kosovës, Albin Kurti, është arritur dakordësi që VLEN-i të ketë dy bashkëkryetarë, dy nënkryetarë dhe sekretar të përgjithshëm. Strukturat dhe forma e vendimmarrjes së partisë së re janë përcaktuar paraprakisht, ndërsa vendimet përfundimtare do të miratohen nga organet e Alternativës. Kasami theksoi se VLEN-i do të jetë një organizatë gjithëpërfshirëse dhe i bëri thirrje Arben Fetait, i cili u la jashtë VLEN-it, që të vazhdojë të jetë pjesë e subjektit politik. Procesi formal i ngritjes së strukturave të përbashkëta do të vazhdojë pas miratimit të vendimeve nga partitë përbërëse.