Koalicioni VLEN ka kërkuar nga BDI-ja një përgjigje të qartë lidhur me deklaratat e Gëzim Ostrenit për Marrëveshjen e Ohrit dhe rolin e Ali Ahmetit. Pas konferencës së fundit për media, BDI-ja ka heshtur, ndërsa VLEN thekson se është e pamundur që kjo parti të mos reagojë ndaj pretendimeve që prekin trajtimin kushtetues të gjuhës shqipe. Ostreni ka deklaruar se gjatë drejtimit të Ali Ahmetit, gjuha shqipe nuk u përfshi në Kushtetutë me emrin e saj, por u zëvendësua me një formulim tjetër që përshkruan një komunitet mbi 20% të popullsisë. VLEN i kërkon BDI-së të dalë publikisht dhe të sqarojë nëse mohon fjalën e Ostrenit, duke theksuar se heshtja nuk është e pranueshme në këtë çështje.