Në Shkup po zhvillohet një protestë e studentëve që kërkojnë mbajtjen e provimit të jurisprudencës edhe në gjuhën shqipe. Në mbështetje të tyre ka dalë një vogëlush i veshur me xhamadan, i cili mban në duar një pankartë me mbishkrimin “Mos ma përktheni të ardhmen!!”. Ai ka shprehur publikisht dëshirën që gjuha shqipe të mos i mohohet dhe ka rrëmbyer zemrat e të pranishmëve me fjalët: “Jam në përkrahje të studentëve, mos ma mohoni gjuhën shqipe”. Ky moment ka tërhequr vëmendjen e mediave dhe ka fuqizuar kërkesën për të drejtat gjuhësore në arsimin e lartë.