Presidenti serb Aleksander Vuçiç ka njoftuar se sonte ose të premten në mëngjes pret lajme të rëndësishme dhe pozitive nga Shtetet e Bashkuara lidhur me Serbinë. Ai ka theksuar se këto lajme vijnë në një kohë kur vendi po përballet me sfida të mëdha, veçanërisht në sektorin e energjisë. Vuçiç ka paralajmëruar se të premten në mesditë do të shpallen masat që do të merren në interes të qytetarëve serbë. Gjithashtu, ai do të kryesojë një seancë të Këshillit të Sigurisë Kombëtare me përbërje të zgjeruar, e cila do të fokusohet në situatën energjetike në vend.