Eurodeputeti holandez Thijs Reuten ka komentuar deklaratën e presidentit serb Aleksandar Vuçiq për dorëheqjen e tij, duke e cilësuar atë si një manovër strategjike për të ruajtur kontrollin politik në Serbi. Sipas Reuten, kjo lëvizje është pjesë e një manuali të njohur të autokratëve, që synon të mbajë pushtetin për sa më gjatë, edhe nëpërmjet zgjedhjeve të parakohshme presidenciale dhe parlamentare. Ai thekson se ky hap nuk është një tërheqje e vërtetë nga skena politike, por një rikonfigurim i pushtetit brenda të njëjtit kamp politik. Eurodeputeti shpreh mbështetjen për popullin serb, i cili kërkon zgjedhje të drejta, zbatim të sundimit të ligjit dhe transparencë në proceset politike.