Presidenti i Serbisë, Aleksandar Vuçiq, ka lënë të hapur mundësinë që të rikthehet në postin e kryeministrit, duke theksuar se do ta bëjë këtë vetëm nëse fiton mandatin përmes zgjedhjeve. Ai njoftoi se zgjedhjet parlamentare do të shpallen shumë shpejt dhe se do të respektohet vullneti i qytetarëve. Vuçiq sqaroi se, sipas Kushtetutës, mund të bëhet kryeministër edhe pa zgjedhje direkte, nëse jep dorëheqje nga presidenca dhe qeveria bie, por ai nuk dëshiron ta përdorë këtë rrugë pa mbështetjen e popullit. Pas shpalljes së zgjedhjeve, ai planifikon të qëndrojë për një periudhë të shkurtër si president për të përfunduar çështje shtetërore, më pas do të japë dorëheqjen dhe do të kandidojë për kryeministër me listën "Serbia e Bashkuar". Ky lëvizje politike është parë si një "kopjim" i praktikave të Vladimir Putinit, i cili ka alternuar po ashtu midis posteve të presidentit dhe kryeministrit në Rusi.