Presidenti i Serbisë, Aleksandar Vuçiq, zhvilloi një takim me emisarin e BE-së, Peter Sorensen, ku diskutuan për çështjet kyçe që ndikojnë marrëdhëniet në rajon, me fokus të veçantë te situata në Kosovë dhe siguria e popullit serb. Ai shprehu shqetësime për pasigurinë dhe diskriminimin ndaj serbëve në Kosovë, duke akuzuar Prishtinën për masa njëanshme që rrisin tensionet dhe minojnë dialogun. Vuçiq kërkoi formimin e Asociacionit të komunave me shumicë serbe si një element kyç për mbrojtjen e të drejtave dhe sigurisë së serbëve në Kosovë, duke theksuar se Serbia mbetet e përkushtuar ndaj dialogut si rrugë e vetme për zgjidhje. Ai nënvizoi nevojën për angazhim të fortë të Bashkimit Europian për të siguruar një proces dialogu konstruktiv dhe për të ruajtur stabilitetin në rajon.