Presidenti i Serbisë, Aleksandar Vuçiq, ka bërë një krahasim mes sulmit të fundit të SHBA-së dhe Izraelit ndaj Iranit dhe bombardimeve të NATO-së ndaj Serbisë në vitin 1999. Ai theksoi se përgatitjet amerikane për sulmin ndaj Serbisë ishin më të mëdha dhe më të thella sesa ato për operacionin kundër Iranit, duke e cilësuar këtë të fundit si sipërfaqësore dhe me pasoja katastrofike. Vuçiq shprehu skepticizëm për planifikimin e sulmit ndaj Iranit dhe paralajmëroi se shumë aktorë ndërkombëtarë kanë hyrë të papërgatitur në krizë, përveç Iranit. Ai njoftoi se Serbia do të marrë masa lidhur me zhvillimet dhe se publiku do të informohet më hollësisht gjatë fundjavës.