Presidenti i Serbisë, Aleksandar Vuçiq, ka kundërshtuar fuqishëm vendimin e një gjykate sllovene që dënoi patriarkun e Kishës Ortodokse Serbe, Porfirije, me katër muaj burgim me kusht. Kisha Ortodokse Serbe e ka cilësuar vendimin si “skandaloz”, ndërsa Vuçiq theksoi se patriarku është dënuar për një vepër që nuk e ka kryer kurrë, duke e parë këtë si një sulm ndaj Kishës dhe popullit serb. Ai shtoi se ky dënim mund t’i japë patriarkut statusin e një viktime dhe martiri, duke forcuar lidhjen e tij me besimtarët. Porfirije ka shërbyer më parë si kreu i Mitropolisë së Zagrebit dhe Lubjanës dhe u zgjodh patriark i Kishës Ortodokse Serbe në vitin 2021.