Presidenti serb Aleksandër Vuçiq ka reaguar pas reagimeve në Shqipëri lidhur me mundësinë që Serbia të devijojë rrjedhën e lumit Ibër, duke e cilësuar këtë si një çështje të brendshme serbe dhe duke pyetur se çfarë lidhjeje ka kjo me Shqipërinë. Ai ka përmendur edhe një problem në zonën e Ribariqit, duke theksuar se Serbia do të shqyrtojë situatën para se të marrë vendime të mëtejshme. Në të njëjtën kohë, Vuçiq ka hedhur akuza të pabazuara ndaj Kosovës, duke pretenduar se shqiptarët përdorin këto çështje për të mbuluar krime kundër serbëve, përfshirë arrestime, ngacmime dhe shembje shtëpish, pa paraqitur prova konkrete. Ai gjithashtu akuzoi institucionet e Kosovës dhe bashkësinë ndërkombëtare për “terrorizim” dhe përpjekje për të minuar institucionet serbe në Kosovë dhe për të forcuar ato të Kosovës, duke i cilësuar këto të paligjshme sipas së drejtës ndërkombëtare.