Kongresisti amerikan Joe Wilson ka kritikuar ashpër presidentin serb Aleksandar Vuçiq, duke e akuzuar se po përpiqet të kalojë nga pozita e presidentit në atë të kryeministrit për të vazhduar sundimin e tij autoritar dhe të korruptuar. Wilson e krahasoi këtë strategji me atë të presidentit rus Vladimir Putin, të cilin e quajti kriminel lufte. Ai theksoi se populli serb meriton zgjedhje të lira dhe të drejta, duke kundërshtuar kështu planet e Vuçiqit për të qëndruar në pushtet për shumë vite të tjera. Ky reagim vjen përmes një postimi në rrjetin social ‘’X’’, duke nxjerrë në pah shqetësimet për të ardhmen politike të Serbisë.