Gazeta serbe “Danas” raporton se roli i presidentit Alekandar Vuçiq në Kosovë është dobësuar, pasi ai nuk mund të hyjë më lirshëm në territorin kosovar dhe tani do të takohet me serbët e Kosovës në një kontenier në kufi. Kjo situatë erdhi pas hyrjes në fuqi të Ligjit për të Huajt nga ana e Kosovës më 15 mars 2026, i cili prek rreth dhjetë mijë serbë në Kosovë, përfshirë profesorë, mjekë dhe mësues. Pas bisedimeve mes emisarit të BE-së Peter Sorensen dhe kryeministrit kosovar Albin Kurti, u arrit një marrëveshje që zbatimi i ligjit të fillojë me masa lehtësuese, duke përfshirë lëshimin e lejeve të qëndrimit 12-mujore për serbët që punojnë apo studiojnë në Kosovë. Vuçiqi ka njoftuar se do të shkojë në Rashkë për të takuar serbët dhe po punon me evropianët për gjetjen e një zgjidhjeje, ndërsa situata mbetet e vështirë dhe pa zgjidhje të lehta.