Kompania Rajonale e Ujësjellësit “Prishtina” ka njoftuar se gjatë ditës së sotme do të kryhen punime mirëmbajtëse në rrjetin e ujësjellësit në disa zona të kryeqytetit. Intervenimet do të zhvillohen në rrugët “Ilaz Kodra”, “Fuad Dibra”, “Aziz Zhilivoda”, “Ernest Zariqi”, “Holger Pedersen”, “Edith Durham” dhe “Henry Dunant”. KRU “Prishtina” nuk ka dhënë detaje të mëtejshme për natyrën e punimeve, por ka bërë me dije se ekipet do të jenë në terren për të realizuar ndërhyrjet e nevojshme. Si pasojë, disa zona të Prishtinës pritet të mbeten pa furnizim me ujë gjatë kohës së punimeve.