Këngëtarja shqiptare Dua Lipa po konsiderohet si një nga emrat ndërkombëtarë që mund të jenë pjesë e Festivalit të Sanremos 2027. Sipas mediave italiane, ajo është në negociata për të bashkëprezentuar festivalin me Stefano De Martinon, drejtuesin e ri artistik, i cili synon ta bëjë edicionin e ardhshëm më ndërkombëtar. Dua Lipa ka qenë e ftuar më parë në Sanremo në vitin 2020, ku performoi hitin “Don’t Start Now” me një shfaqje të veçantë. Ende nuk është vendosur nëse ajo do të marrë pjesë në natën e parë, në finale apo në një mbrëmje tjetër, pasi kjo do të varet nga axhenda e saj artistike.