Këngëtarja Adelina Ismaili dhe DJ Gimbo kanë konfirmuar bashkëpunimin e tyre të parë muzikor, duke publikuar së fundmi fotografitë e para së bashku dhe duke i dhënë fund çdo dileme rreth projektit. Gimbo ka zbuluar titullin e këngës së re, e cila do të quhet “Janane” dhe ka paralajmëruar publikimin e saj me fjalët “Janane, po vjen”. Në imazhet e publikuara, Adelina shfaqet me një stil që kombinon elemente tradicionale dhe moderne, ndërsa Gimbo qëndron pranë saj. Ky bashkëpunim ka ngjallur shumë kureshtje që nga momenti i parë i raportimit dhe tani të gjithë janë të fokusuar te ajo që dy artistët kanë përgatitur për publikun.