Këngëtarja dhe deputetja e LDK-së, Adelina Thaçi-Meta, ka përkujtuar babanë e saj, humoristin Rasim Thaçi (Cima), në pesëvjetorin e vdekjes së tij. Në një postim të ndjerë në Facebook, ajo shprehu mungesën e thellë që ndjen për të atin dhe rëndësinë e tij si shtylla e saj më e fortë. Adelina theksoi se çdo këshillë, çdo hap dhe çdo forcë që gjen brenda vetes i kujton babanë e saj, duke e konsideruar atë një burim sigurie edhe në momentet më të vështira. Ajo përfundoi mesazhin me fjalët se babai i saj do të jetojë gjithmonë në zemrën e saj dhe se është krenare që është bija e tij.