Pas një pritjeje të gjatë, Adri dhe Iliriana kanë publikuar projektin e tyre më të ri muzikor me titullin “Habibi”, i cili u bë viral në rrjetet sociale edhe para publikimit zyrtar. Kënga vjen me një ritëm energjik dhe është punuar nga Kreshnik Avdiu dhe Arti Rec, duke premtuar të jetë një hit i sezonit veror. Një surprizë e veçantë në videoklip është prezenca e ish-banores së Big Brother VIP Kosova 2, Santiana Maloku, e cila tregon miqësinë e ngushtë me çiftin edhe jashtë programit. Treshja, që ndanë përvoja të rëndësishme në shtëpinë më të famshme të shqiptarëve, tashmë bashkëpunojnë edhe në projekte muzikore, duke treguar një tjetër anë të talentit dhe lidhjes së tyre.