Adrola Dushi ishte e ftuar në emisionin “Goca dhe Gra”, ku foli hapur për marrëdhënien e saj me këngëtarin Capital T, lidhje kjo që u bë publike së fundmi. Ajo tregoi se janë bashkë prej disa vitesh dhe përshkroi lidhjen e tyre si një “maratonë” që ia kanë dalë të përballojnë me sukses. Modelja theksoi rëndësinë e privatësisë në jetën e tyre, duke e quajtur atë “gjëja më e shenjtë” dhe shpjegoi se nuk duan të shfaqen kudo. Gjithashtu, Adrola ndau momentin kur Capital T publikoi një foto e cila e emocionoi shumë, duke treguar se ata ruajnë intimitetin dhe janë të lumtur me mënyrën se si është pritur lidhja e tyre nga publiku.