Seriali turk “Mercan Köşk” ka nisur me një sukses të jashtëzakonshëm, duke tërhequr vëmendjen e audiencës që në episodin e parë në ekranin e ATV-së dhe në platformat digjitale, ku ka arritur mbi 6 milionë shikime në YouTube. Historia e serialit përqendrohet në konfliktin mes dy familjeve, Mercandağ dhe Hozan, dhe ndryshimet që sjell ardhja e personazhit Cemre në qytetin e Tarsusit, duke hapur një kapitull të ri me sekrete dhe përplasje të forta. Një nga elementet që e bën këtë serial të veçantë për publikun shqiptar është pjesëmarrja e aktorit dhe këngëtarit shqiptar Bertan Asllani në rolin kryesor të Toprakut, bashkë me aktorët turq Kubilay Aka dhe Hafsanur Sancaktutan. Xhirimet zhvillohen në ambientet piktoreske të Tarsusit dhe Çukurovës, duke i dhënë serialit një dimension vizual të veçantë dhe duke e pozicionuar atë si një prej projekteve më të ndjekura dhe të komentuarat në këtë periudhë.