Aktorja amerikane Daveigh Chase, e njohur për rolin e saj ikonik si Samara Morgan në filmin horror “The Ring” dhe për zërin e personazhit Lilo në animacionin e Disney-t “Lilo & Stitch”, ka ndërruar jetë në moshën 35-vjeçare. Sipas njoftimeve të partnerit të saj, shkaku i vdekjes ishte meningjiti fulminant dhe një infeksion i rëndë në gjak, i cili çoi në sepsë dhe dështim të organeve. Ajo ishte shtruar në spital në Los Angeles që nga fillimi i qershorit, ku gjendja e saj u përkeqësua gradualisht deri në ndërlikime fatale. Në kujtim të saj, partneri ka nisur një fushatë për mbledhje fondesh, ndërsa fansat dhe kolegët e saj në industrinë e filmit shprehin dhimbjen për humbjen e një prej yjeve më të ndritshëm të kinemasë së re.