Në mbrëmjen finale të Big Brother VIP Kosova 4, Alba Pollozhani u ngjit në skenë dhe u prit me duartrokitje nga publiku në Klan Arena. Ajo mbajti një fjalim ku shprehu mirënjohje për përvojën dhe mbështetjen gjatë qëndrimit në shtëpi, duke u ndjerë keq për largimin e parakohshëm nga gara. Alba u tërhoq vullnetarisht disa javë më parë pas reagimeve të forta lidhur me deklaratën e saj për dëshirën për t’u mbuluar, një temë që nxiti debate brenda dhe jashtë shtëpisë. Edhe pse ende nuk ka vendosur të mbulohet, ajo falënderoi publikun dhe të gjithë ata që e mbështetën në rrugëtimin e saj, ndërsa rikthimi i saj në skenë u konsiderua një nga momentet më të veçanta të finales.