Alessandra Ambrosio ka njoftuar fejesën me Buck Palmer pas dy vitesh lidhje, duke ndarë me ndjekësit në rrjetet sociale momentin romantik të propozimit në Indonezi. Partneri i saj i ka dhuruar një unazë solitare me diamant, e cila sipas ekspertëve mund të ketë një peshë deri në 8 karat dhe vlerë që arrin deri në 500 mijë dollarë. Surpriza e përgatitur në plazh, me një zemër të madhe të krijuar nga lule të kuqe, ka shtuar magjinë e këtij momenti të veçantë. Fejesa është bërë publike përmes një postimi të përbashkët në Instagram, ku Ambrosio shpreh dashurinë e saj të thellë dhe përkushtimin për të ardhmen me Palmer.