Alexa Demie, aktorja e njohur për rolin e Maddy Perez në serialin “Euphoria”, ka mohuar zërat që sugjeronin se do të tërhiqej nga aktrimi pas sezonit të tretë. Spekulimet nisën pas rikthimit në rrjetet sociale të një intervistë të saj nga viti 2020, ku ajo fliste për sfidat e aktorëve latin në Hollywood, duke nxitur interpretime të ndryshme nga fansat. Në një intervistë të fundit për “The Hollywood Reporter”, Demie theksoi se zgjedhjet e saj profesionale janë të qëllimshme dhe se nuk do të ndryshonte mënyrën si jeton apo punon. Ajo gjithashtu rrëfeu për vështirësitë në fillimet e karrierës dhe për rëndësinë që ka pasur roli në “Euphoria” në zhvillimin e saj si aktore dhe në balancimin mes privatësisë dhe karrierës.