Këngëtarja kosovare Ana Kabashi ka marrë pjesë në Festivalin e Filmit në Kanë, duke përfaqësuar Kosovën në një prej ngjarjeve më prestigjioze të industrisë së filmit. Ajo u shfaq në tapetin e kuq me një fustan të bardhë prej dantelle, me prerje të guximshme dhe detaje të punuara, që i dhanë pamje glamuroze dhe shumë femërore. Kombinimi i flokëve të krehura pas dhe make-up-it të theksuar, me fokus te sytë dhe buzët me shkëlqim, plotësoi paraqitjen e saj elegante. Reagimet në rrjetet sociale ishin të shumta dhe pozitive, me ndjekës që e komplimentuan për stilin dhe përfaqësimin e denjë të Kosovës në këtë skenë ndërkombëtare.