Anita Haradinaj ka reaguar ndaj kritikave në rrjetet sociale lidhur me dasmën e familjes së saj, duke theksuar se asgjë nuk duhet të pengojë gëzimet e të tjerëve. Ajo sqaroi se këngëtarët që performuan në dasmën e Luan Haradinajt e bënë këtë pa pagesë, si shenjë respekti dhe miqësie, jo për përfitim financiar. Haradinaj u shpreh se familja e saj ka respektuar gjithmonë njerëzit dhe se kritikat negative vijnë nga profile fallco dhe njerëz me mendësi të gabuar, të cilëve nuk dëshiron t’u japë vëmendje. Përsa i përket politikës, ajo e sheh atë si një fushë krijuese dhe pranon që tani është koha e brezave të rinj.