Në spektaklin e së premtes në “Ferma VIP 3”, prezantuesja Arbana Osmani reagoi pas incidentit të së hënës, ku banorja Fabjola Elezaj e ofendoi me një fyerje të rëndë. Arbana u drejtua drejtpërdrejtë publikut duke kërkuar që të mos ketë linçim dhe denigrim ndaj asnjë vajze, pavarësisht mbështetjes që ato marrin. Ajo theksoi rëndësinë e përdorimit të një gjuhe të kujdesshme dhe respekti ndaj konkurrenteve, të cilat janë pjesë e një eksperimenti social të vështirë dhe kanë ndjenja si çdo njeri tjetër. Prezantuesja bëri thirrje për etikë dhe mirëkuptim në komunikimin online, duke kujtuar se pas çdo konkurrente qëndron një familje dhe se askush nuk është i pagabueshëm.