Edicioni i tretë i Ferma VIP u hap me një surprizë të madhe, pasi për herë të parë moderimin e mori Arbana Osmani, e cila më parë kishte qenë fytyra kryesore e Big Brother në Shqipëri. Në fjalën e saj hapëse, Arbana theksoi rëndësinë e punës, disiplinës dhe bashkëpunimit, duke lënë të kuptohet një “thumb” për Ledion Liçon, i cili prej dy vitesh drejton Big Brother-in dhe përfaqëson qasjet e vjetra në televizion. Përzgjedhja e këngës "Enderroj" të Altin Gocit për hapjen e spektaklit, një këngë e lidhur ngushtë me Big Brother VIP, u interpretua gjithashtu si një mesazh i nënkuptuar dhe jo rastësor. Kjo situatë ka ngjallur interes dhe spekulime për marrëdhëniet dhe rivalitetin mes Arbana Osmanit dhe Ledion Liços, ndërsa mbetet për t’u parë nëse “thumbimet” do të vazhdojnë gjatë sezonit.