Kënga e re “New Religion” nga Bebe Rexha në bashkëpunim me Faithless është renditur në vendin e dytë si një nga më të dëgjuarat në radiot amerikane, sipas statistikave mujore të World Airplay Radio Monitor. Ky sukses vjen ndërsa Bebe Rexha është shumë aktive me promovime dhe paraqitje mediale, duke përgatitur publikimin e albumit të saj të ri “Dirty Blonde”. Albumi i katërt në karrierën e saj pritet të dalë më 12 qershor dhe po ngjitet si një nga më të priturit e sezonit. Hiti “New Religion” po rrit pritshmëritë për këtë projekt dhe po dominon top-listat e transmetimeve në radio, duke e vendosur Bebe Rexhën në qendër të vëmendjes globale të skenës dance.