Këngëtarja shqiptare Bebe Rexha ka dhënë një intervistë për “Today Show”, ku ka folur për albumin e saj të ri “Dirty Blonde”, trashëgiminë shqiptare dhe jetën personale. Në një moment të veçantë të intervistës, ajo u shpreh me vendosmëri për mënyrën se si duhet të trajtohen faturat gjatë takimeve romantike, duke thënë se nëse një djalë i kërkon të paguajë gjysmën e faturës përmes aplikacionit Venmo, ai nuk do ta shohë më kurrë. Bebe theksoi se nuk pranon as ndarjen e faturës përgjysmë gjatë takimit dhe preferon të paguajë e vetme dhe të largohet, duke refuzuar stereotipin e “gold diggers” dhe duke ironizuar mbi pritshmëritë financiare në marrëdhënie. Deklarata e saj ka ngjallur shumë reagime dhe është bërë një nga momentet më të komentuar të intervistës, ndërsa ajo vazhdon të promovojë muzikën e saj dhe stilin e jetës pa komplekse.