Bebe Rexha ishte e ftuara në emisionin e njohur amerikan "The Tonight Show Starring Jimmy Fallon", ku performoi me energji dy këngët e saj më të reja, "New Religion" dhe "Sad Girls". Ajo u shoqërua nga balerinë që krijuan një atmosferë të ngjashme me klubet e natës, duke sjellë një interpretim të veçantë dhe të fuqishëm. Kënga "Sad Girls", bashkëpunim me David Guetta, i dedikohet atyre që vazhdojnë të ecin përpara edhe në momentet më të vështira, duke mos u dorëzuar pavarësisht sfidave. Ky performancë shënon një kapitull të ri në karrierën e Bebe Rexhës, e cila pas ndarjes nga Warner Music, tani punon si artiste e pavarur nën etiketën Empire, duke shprehur lirinë e saj krijuese në albumin "Dirty Blonde".