Bebe Rexha mbajti një koncert madhështor në festivalin OLM Souissi në Rabat, ku performoi para mijëra fansave marokenë. Ajo solli në skenë këngët e albumit të saj të fundit “Dirty Blonde” dhe hitet që e kanë bërë të njohur ndërkombëtarisht, duke fituar duartrokitje dhe ovacione të gjata. Një moment i veçantë ishte kur artistja u shfaq e mbështjellë me flamurin e Marokut, një gjest që u prit me entuziazëm të madh nga publiku. Pas koncertit, Bebe ndau në rrjetet sociale momente nga atmosfera e zjarrtë, ndërsa vazhdon turneun e saj veror me koncerte në Evropë.