Këngëtarja shqiptare me famë botërore, Bebe Rexha, ka dhuruar një spektakël të jashtëzakonshëm në New York, duke performuar live para mijëra fansave në Rockefeller Plaza. Ajo u ngjit në skenën e emisionit të njohur të mëngjesit Today të NBC-së, ku interpretoi këngë nga albumi i saj i fundit “Dirty Blonde”, i cili shënon fillimin e karrierës së saj si artiste e pavarur. Performanca erdhi në një periudhë shumë aktive për Rexhën, e cila këtë vit ka promovuar gjerësisht albumin duke udhëtuar në vende të ndryshme të botës. Me energjinë dhe stilin e saj karakteristik, ajo riktheu vëmendjen te projekti i ri, duke e bërë skenën e Today një moment kyç në rrugëtimin e saj artistik.