Këngëtarja me famë botërore dhe origjinë shqiptare, Bebe Rexha, ka publikuar albumin e saj më të ri me titull “Dirty Blonde”. Ky projekt përmban 13 këngë dhe është tashmë i disponueshëm në platformat kryesore të transmetimit, duke përfshirë Spotify, ku fansat në mbarë botën mund ta dëgjojnë menjëherë. Gjatë muajve të fundit, disa këngë nga albumi u publikuan veç e veç, duke krijuar pritshmëri të madhe dhe duke mbajtur publikun të angazhuar. Një nga këngët më të veçanta është “Çike Çike”, e cila përmban elemente në gjuhën shqipe dhe tregon lidhjen e artistes me kulturën e saj shqiptare, duke fituar vlerësim të gjerë nga fansat ndërkombëtarë.