Këngëtarja shqiptaro-amerikane Bebe Rexha ka folur së fundmi në emisionin “The Jennifer Hudson Show” për rrugëtimin e saj artistik dhe projektet e reja, përfshirë albumin e shumëpritur “Dirty Blonde”. Ajo ndau një kujtim personal nga rinia, kur kishte shkruar në derën e dhomës së prindërve një mesazh motivues për të ardhmen, duke premtuar se do të bëhej superyll dhe do të krijonte hite ndërkombëtare. Rexha theksoi se gjatë jetës ka bërë shumë “manifestime” për të ardhmen, shumica prej të cilave janë realizuar, si bashkëpunimet e rëndësishme dhe paraqitjet në emisione prestigjioze televizive. Megjithatë, ajo pranoi se një dëshirë e saj ende nuk është realizuar plotësisht: dashuria, për të cilën moderatorja e inkurajoi duke i thënë se ka ende kohë.