Bebe Rexha ka arritur një moment të rëndësishëm në karrierën e saj duke marrë nominimin e parë si artiste e pavarur në MTV Video Music Awards në kategorinë “Best Dance” për këngën “New Religion”, në bashkëpunim me grupin britanik Faithless. Ky sukses vjen pas vendimit të saj për t’u larguar nga Warner Records pas një dekade bashkëpunimi dhe nisjen e një kapitulli të ri me albumin “Dirty Blonde”. Reagimi i këngëtares ndaj lajmit ishte plot emocion dhe gëzim, të cilin e ndau me fansat e saj në rrjetet sociale. Në garë për çmimin, ajo përballet me emra të njohur si Harry Styles, Lady Gaga dhe Madonna, duke synuar të përsërisë suksesin e vitit 2019 kur fitoi në të njëjtën kategori, por këtë herë si artiste e pavarur.