Bebe Rexha ka arritur një tjetër sukses të rëndësishëm në karrierën e saj duke tejkaluar 100 milionë dëgjime në Spotify me këngën “New Religion”. Kjo këngë, që përbën singlin kryesor të albumit të saj të fundit “Dirty Blonde”, është një ripunim modern i hitit “Insomnia” të grupit Faithless, duke kombinuar muzikën elektronike me elemente pop dhe dance. Albumi “Dirty Blonde” është projekti i parë i Bebe Rexhës si artiste e pavarur, pas ndarjes nga Warner Records, dhe ky sukses tregon se vendimi për më shumë liri krijuese po jep frytet e para. Publiku dhe kritikët kanë mirëpritur shumë këtë album, duke konfirmuar pozicionin e Bebe Rexhës si një nga artistet shqiptare më të suksesshme në arenën ndërkombëtare.