Ish-banorja e Big Brother VIP Kosova 4, Benita Zena, ka ndarë përvojën e saj nga reality show në një video në TikTok, ku shprehu se nuk arriti të tregonte anën e saj pozitive për shkak të natyrës strategjike dhe shpesh të “fake” të lojës. Ajo theksoi se Big Brother kërkon të luash një rol dhe se vetë formati e nxori në pah një anë të temperamentit të saj që publiku nuk e njihte më parë. Benita kritikoi edicionin e këtij viti, duke përmendur padrejtësi të shumta dhe momente të vështira që e bënë të mendojë edhe largimin nga gara, por vendosi të qëndrojë për të luftuar këto padrejtësi. Në fund, ajo propozoi një rregull të ri për lojën: të mos ketë histori personale apo rrëfime jete, por të vlerësohet vetëm loja dhe strategjia, duke lëshuar kështu një thumb të hapur ndaj ish-banores Elionës, e cila konsiderohet se ka përfituar nga historia e saj personale gjatë garës.