Pas zhurmës mediatike rreth projektit të tij muzikor “Rrëfim”, Bes Kallaku ka bërë një reagim të gjatë dhe të ndjerë, duke falënderuar mbështetësit dhe duke folur hapur për jetën personale. Ai thekson se ky projekt është më i bukuri i tij, ku shfaqet pa maska dhe skenarë, vetëm me të vërtetën e tij. Besi ka mbyllur përfundimisht kapitullin e ndarjes nga Xhensila Myrtezaj, duke theksuar se ka dalë fitimtar nga ajo periudhë. Në mesazhin e tij, ai përmend mbështetjen e motrës Ana Kallaku si bekimin më të madh dhe konfirmon zyrtarisht një partner të ri në jetën e tij, të cilin e përshkruan si “trëndafilin në kohë lufte” që i riktheu paqen dhe versionin më të mirë të vetes.