Pas muajsh spekulimesh dhe aludimesh, aktori dhe këngëtari Bes Kallaku ka vendosur të konfirmojë publikisht lidhjen e tij të re me partneren Ejona. Ai publikoi në Instagram një foto të përbashkët ku shfaqet duke përqafuar dhe puthur partneren, e cila ruan ende misterin me fytyrën e paqartë, por me flokë bjonde të dallueshme. Lidhja u bë e ditur fillimisht përmes një tatuazhi të ri në dorën e tij, ku shkruhej emri i Ejona-s dhe një datë, dhe më pas Besi foli hapur gjatë një koncerti për ndjenjat që i kanë rikthyer buzëqeshjen. Ai falënderoi Zotin për këtë dashuri të re, duke theksuar se fokusi i tij është tek e tashmja, pas përfundimit të martesës me këngëtaren Xhensila Myrtezaj.