Blair Isufi është përfaqësuesja e Kosovës në konkursin ndërkombëtar Miss World 2026, ku ka ndarë historinë e saj dhe lidhjen e fortë me vendin e origjinës. Pavarësisht se kishte vetëm katër ditë për t’u përgatitur para se të udhëtonte drejt Vietnamit, ajo vendosi të shfrytëzonte maksimalisht këtë mundësi dhe tashmë ka kaluar me sukses Top Model Challenge, duke u renditur në Top 60. Në videon e prezantimit, Blair flet për rrënjët e saj nga Ferizaj dhe jetën mes dy kulturave, duke theksuar se Amerika i mësoi të ëndërrojë, ndërsa Kosova i dha identitetin dhe qëndresën. Ajo shpreh dëshirën që të përfaqësojë jo vetëm veten, por çdo vajzë të re që ëndërron, duke i treguar botës bukurinë dhe forcën e Kosovës.