Blero Muharremi dhe bashkëshortja e tij Eronita kanë zbuluar se janë në pritje të fëmijës së tyre të parë së bashku. Lajmi u bë publik përmes një videoje dhe disa fotografive të ndara në rrjetet sociale, ku shfaqen atletet e vogla dhe mesazhe emocionuese që tregojnë gëzimin e çiftit për ardhjen e bebit. Eronita ka shkruar fjalë prekëse si “Zemrat tona me të vërtetë kishin nevojë për ty, mrekulli e vogël”, duke ndarë emocionet e pritjes me ndjekësit dhe duke marrë urime të shumta nga fansat dhe miqtë. Ky kapitull i ri në jetën e tyre vjen pak muaj pas martesës madhështore të çiftit, ndërsa Blero tashmë është baba i një vajze nga martesa e mëparshme.