Këngëtarja britanike Bonnie Tyler, 75 vjeçe, është zgjuar nga koma pas një operacioni urgjent për heqjen e apendiksit në Portugali, ku pësoi arrest kardiak. Ajo po trajtohet në një spital në Faro dhe, megjithëse gjendja e saj mbetet e rëndë, mjekët raportojnë përmirësim gradual dhe shpresojnë në rikuperim të plotë. Problemet shëndetësore nisën me dhimbje barku në Londër dhe u përkeqësuan gjatë udhëtimit në rajonin Algarve, ku u zbulua se apendiksi kishte plasur. Për shkak të situatës, të gjitha koncertet dhe angazhimet e Bonnie Tyler janë anuluar deri në fund të gushtit, ndërsa menaxhmenti falënderon fansat për mbështetjen e tyre gjatë kësaj periudhe të vështirë.