Brikena Selmani ka reaguar për herë të parë pas daljes nga shtëpia e Big Brother VIP, duke treguar se gjatë qëndrimit në program nisi një raport dashurie me Mateo. Ajo ka theksuar se familja e saj ka qenë shumë mbështetëse ndaj këtij raporti dhe se edhe familja e Mateos është shumë e mirëpritur dhe mezi presin t’i takojnë njëri-tjetrin. Brikena ka pranuar se nuk e kishte menduar që do të dilnin çift nga programi dhe se për të ky rrugëtim ka qenë i paparashikueshëm dhe plot emocione. Megjithëse nuk arriti finalen, ajo ndjen se ka fituar dashurinë dhe mbështetjen e publikut, duke theksuar se marrëdhënia me Mateon ka pasur ulje-ngritje, por gjithçka ka qenë spontane dhe e sinqertë.