Burak Özçivit dhe Fahriye Evcen po përgatiten për sezonin e ri televiziv, duke rikthyer bashkë në ekran dy prej aktorëve më të njohur të Turqisë. Burak do të jetë protagonist në serialin “Güneşin Doğduğu Yer” dhe pritet të paguhet 4.5 milionë lira turke për episod, ndërsa Fahriye do të luajë në serialin “Hamal” me një pagesë prej 2.5 milionë lirash për episod. Nëse secili realizon një episod në javë, të ardhurat e çiftit arrijnë në rreth 7 milionë lira turke, ose afërsisht 127 mijë euro në javë. Çifti, i njohur për lidhjen e tyre që daton nga viti 2017 dhe për familjen me dy djem, pozicionohen sërish mes emrave më të paguar të ekranit turk.