Pas një periudhe të gjatë heshtjeje që nisi në janar, Butrint Imeri ka bërë rikthimin e tij në rrjetet sociale me një postim emocional dhe paralajmërues. Këngëtari fshiu të gjitha postimet dhe fotot nga profili i tij, duke krijuar një pritje të madhe mes fansave për diçka të re dhe të rëndësishme. Në letrën e tij, Butrinti shpjegon se kjo periudhë izolimi i shërbeu për të gjetur veten dhe për të krijuar një projekt muzikor autentik, larg trendeve të momentit. Albumi i tij i ri, me titull “I Pari”, do të publikohet më 10 qershor 2026 dhe përfaqëson versionin më të sinqertë të tij deri më sot.