Aktori i njohur turk Çağatay Ulusoy është shfaqur së fundmi me një pamje krejtësisht të ndryshme gjatë qëndrimit në Türkbükü të Bodrumit. Në një fotografi që po qarkullon gjerësisht në rrjetet sociale, ai shfaqet me mjekër të gjatë dhe disa kilogramë më shumë, duke habitur fansat e tij. Ky ndryshim ka nxitur spekulime nëse bëhet fjalë për një përgatitje për një rol të ri, veçanërisht për personazhin Eşref Teku, për të cilin më parë ishte përfolur se mund të kishte shtuar peshë. Megjithatë, aktori nuk ka dhënë asnjë koment zyrtar dhe nuk dihet nëse transformimi lidhet me projekte të ardhshme, pushime apo arsye personale.