Aktori turk Çağatay Ulusoy ka tërhequr vëmendjen me një ndryshim të dukshëm në pamjen e tij, i cili është kapur në një fotografi gjatë pushimeve në Türkbükü të Bodrumit. Në imazhin që po qarkullon në rrjetet sociale, ai shfaqet me mjekër të gjatë dhe disa kilogramë më shumë, duke u dukur ndryshe nga paraqitja e tij e zakonshme. Ky transformim ka nxitur reagime dhe spekulime mes fansave, të cilët po pyesin nëse ndryshimi lidhet me një rol të ri, veçanërisht me personazhin Eşref Teku, për të cilin ishte përfolur më parë se mund të kishte shtuar peshë. Megjithatë, aktori nuk ka dhënë asnjë koment zyrtar dhe nuk dihet nëse ky ndryshim është për shkak të një projekti të ardhshëm, pushimeve apo arsyeve personale.